نمونیا سے بچاؤ کے 4 انتہائی ضروری غذائی اجزاء
نمونیا ایک عام سی بیماری ہے۔ جس کے پھیلنے کا خطرہ سردیوں میں ٹھنڈی ہواؤں کی وجہ سے بڑھ جاتا ہے۔ بہت سے طریقے ایسے ہیں جنہیں اپنانا نہ صرف آپ کے لئے نمونیا سے لڑنے میں مدد گار ثابت ہوتا ہے بلکہ اس سے بچا تا بھی ہے۔
آج ہم آپ کو ایسے 4 غذائی اجزاء کا بتائیں گے جو نمونیا سے بچانے کے لئے بہت مند ہوتی ہیں۔
٭ پروٹین
ایک تحقیق سے یہ ثابت ہوا ہے کہ پروٹین کا استعمال ہمارے مدافعتی نظام کو بہتر بناتا ہے اور نمونیا سے بچاتا ہے۔ پروٹین نہ صرف ہمارے ٹِشوز کو بناتا ہے بلکہ ہمارے مدافعتی خلیوں کو بنا کر جان لیوا اِنفیکشنز سے بھی بچاتا ہے۔
٭ وٹامن ای
جرنل آف ایمیونولوجی میں شائع ہونے والی ایک تحقیق کے مطابق، وٹامن ای میں نمونیا جیسی بیماریاں پھیلانے والےخطرناک جراثیم سے لڑنے اور اس سے بچانے کی صلاحیت موجود ہوتی ہے۔ وٹامن ای سے بھر پور غذاؤں کا استعمال نہ صرف پھیپڑوں میں پائے جانےوالے جراثیم کا خاتمہ کرتا ہے بلکہ ہمارے مدافعتی نظام کو بھی بہتر بناتا ہے۔
٭ وٹامن سی
ہم سب ہی جانتے ہیں کہ روز مرہ زندگی میں وٹامن سی کا استعمال ہمارے مدافعتی نظام کے لئے کس قدر مفید ہوتاہے،یہ ہمیں جراثیم سے ہونے والے خطرناک انفیکشن سےمحفوظ رکھتا ہے۔ وٹامن سی سے بھر پور غذائیں جیسے پھول گوبھی، کینو، لہسن اور شملہ مرچ وغیرہ کا استعمال نمونیاسے بچاؤ کا بہترین طریقہ ہیں۔
٭ زنک
بہت سی تحقیقی مطالعات کے مطابق زنک سے بھر پور غذاؤں اور زنک سپلیمنٹس کا استعمال بڑوں اور پانچ سال سے کم عمر بچوں کے لئے نمونیا کے خطرے سے بچنے کا بہترین طریقہ ہوتا ہے۔ زنک کا استعمال ہمیں سانس کی نالی کے انفیکشن سے بچاتا ہے۔
Comments
Post a Comment